Faktaboks

Sanna Marin

Sanna Mirella Marin

Fødd
16. november 1985, Helsingfors, Finland
Sanna Marin.
Sanna Marin.
Av /NTB.

Sanna Marin er ein finsk politikar frå Socialdemokratiska Parti. Ho var statsminister i Finland frå 2019 til 2023 og partileiar i same periode.

Bakgrunn

Marin er fødd i Helsingfors i Finland og vaks opp i Birkala. Ho har ein mastergrad i forvaltning frå universitetet i Tampere (Tammerfors) i 2017.

Politisk karriere

Marin byrja med politikk i 2006, og i 2012 blei ho vald inn i kommunestyret i Tampere for Socialdemokraterna (SDP). Ho var leiar i bystyret i Tampere i 2013–2017 og vald til kommunestyrerepresentant fram til 2021. Ho blei vald inn i den finske riksdagen i 2015 og blei fyrste nestleiar i partiet i 2017. Marin blei utnemnd til kommunikasjonsminister i Antti Rinnes regjering i 2019.

Partiet valde Sanna Marin som ny statsminister då partileiar og statsminister Antti Rinne trekte seg 3. desember 2019. Regjeringspartnaren Centerpartiet kravde at Rinne gjekk av på grunn av handteringa hans av ein konflikt i postverket. Marin var 34 år då ho tiltredde som statsminister. Ho vart den yngste statsministeren i Norden nokon gong og den yngste sitjande statsministeren i verda.

Marin leia ei raudgrøn koalisjonsregjering med fire andre parti, der alle partileiarane og fleirtalet i regjeringa var kvinner. Dei fire andre partia er Centerpartiet, Gröna Förbundet, Vänsterförbundet og Svenska folkpartiet.

Den politiske plattforma til regjeringa inneheldt ein ambisiøs klimapolitikk, der Finland skulle bli klimanøytralt innan 2035. Etter utbrottet av Ukraina-krigen i 2022 leia Marin arbeidet med å få Finland med i NATO. Ho har ein personlig popularitet, og partiet fekk ei framgang ved valet 2023, men høgresida fekk fleirtal. Sanna Marin trekte seg deretter som partileiar, og regjeringa gjekk av.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg