Hopp til innhold
Sven Moren
Sven Moren
Foto: Domkirkeoddens arkiv. Lissens: CC NC-BY-SA.
X
Innhald

Sven Moren

Sven Moren, forfattar, bonde og ungdomslagsleiar. Han dreiv organisasjonar, skreiv bøker, laga ei av dei mest brukte songbøkene og var ein framifrå folketalar.

Sven Moren var fødd i Trysil 24. oktober 1871 og døydde 14. desember 1938. Han dreiv farsgarden, som han formelt tok over i 1909. 

Moren, Sven Trysil Engerdal museum Håkon Garaasen På veg åt Morsætra sætra hans Sven Moren jonsokkvelden 1922. Public domain 0428-0000-00928.jpg?w=600

Sven Moren på veg åt Morsætra, sætra hans, jonsokkvelden 1922. Foto: Håkon Garaasen, Trysil-Engerdal museum. Lissens: Public domain

Då hadde han debutert med Vers (1895) og fått eit gjennombrot som forfattar med forteljinga Storskogen (1904). Skildringar frå skogbygdene blei eit varemerke for han, med mykje fin prosalyrikk og gode naturskildringar, der dei sosiale konfliktane etter kvart også kom med.

 

Moren skreiv også fleire barnebøker, mellom anna Den store tømmerdrifta (1909), og hadde statens kunstnarløn frå 1936. Moren var ein av dei store folketalarane tidleg på 1900-talet, og i 1907 redigerte han Songbok aat ungdomslag, trykt i sju utgåver, den siste i 1950.
 
Moren, Sven og Bråten, Oskar Gudrid og Sven Moren,fru Oskar Bråten og Berit Strandvold Foto Glomdalsmuseet CCBYNSA.jpg?w=600
Gudrid og Sven Moren, Ragna Aurora Martinsen og Berit Strandvold. Foto: Glomdalsmuseet. Lissens: CCBYNSA


Moren var formann i Noregs Ungdomslag 1899–1901 og 1915–19 og formann i Norsk Bokmannslag 1913–16. Han var blant skiparane av Austmannalaget. 
 
Kjelder
Ottar Grepstad: Viljen til språk. Ei nynorsk kulturhistorie. Oslo 2006
 
Vidare lesing
Haraldseid, Sigurd: Gardguten og spelemannen, 1946
Norsk biografisk leksikon 2. utg.
Vesaas, Halldis Moren: Sven Moren og heimen hans, 1951

Litteraturliste utvikla av Nasjonalbiblioteket for Allkunne 2011
Tilrettelagt og oppdatert av Allkunne

Først publisert: 04.09.2009
Sist oppdatert: 14.12.2020