Faktaboks

Sverre Myrli
Fødd
26. august 1971, Nes, Akershus
Sverre Myrli.
Stortinget.

Sverre Myrli er ein norsk politikar for Arbeidarpartiet som er stortingsrepresentant frå Akershus 1997–2001 og sidan 2005.

Bakgrunn

Sverre Myrli er fødd i Nes i Akershus. Han gjekk på Nes videregående skole 1987–1990, tok bachelorgrad i offentleg styring ved Høgskolen i Oslo (no OsloMet) 2002–2005 og har ein mastergrad i offentleg administrasjon frå Handelshøjskolen i København frå 2011. Myrli var organisasjonskonsulent i Norsk Folkehjelp 1993–1994, vikarbetjent i Forsvarets Bygningstjeneste 1994–1996 og konsulent i Forsvarsbygg 2004–2005.

Politisk karriere

Myrli hadde tillitsverv i Nes AUF i 1985–1994, var medlem av styret i AUF Akershus 1988–1990 og leiar 1991–1993. Han var medlem av styret for Nes Arbeidarparti 1988–1990 og av styret for Akershus Arbeidarparti 1991–1993.

Myrli var medlem av Nes kommunestyre 1991–2007, medlem av fylkestinget i Akershus 1991–1997 og medlem av landsstyret i Arbeidarpartiet frå 2002.

Myrli var politisk rådgivar for statsråd Sissel Rønbeck i Samferdselsdepartementet i regjeringa Jagland 1996–1997. Han var stortingsrepresentant frå Akershus i perioden 1997–2001. Han mista mandtet sitt ved valet 2001 og var vararepresentant 2001–2005, og han har igjen vore fast stortingsrepresentant sidan 2005. Frå 2021 er han leiar av fullmaktskomiteen på Stortinget og første nestleiar av kontroll- og konstitusjonskomiteen. Han var og fjerde visepresident på Stortinget ein kort periode. Politisk har han vore særleg oppteken av betre kollektivtrafikk, samferdsel og omsorg.

Andre verv

Myrli var leiar av Sosialdemokrater mot EU (SME) 1993–1994, medlem av styret for Akershus Reiselivsråd 1994–1996, styret for Akershus Bedriftsrådgiving A/S 1994–1997, styret i Framfylkingen Akershus 1995–1997 og leiar av styret for Stor-Oslo Lokaltrafikk AS 1995–1996.

Myrli var medlem av styret for Gamle Hvam Museum i 1995–1997 og 1999–2004, AOF Oslo og Akershus i 1997–2001, Romerike Folkehøgskole 2003–2007 og styret for Akershus fylkeskommunale pensjonskasse frå 2007. Han var leiar av styret for SPD Freundekreis Oslo 2008–2009, medlem av rådet for Nordmanns-Forbundet 2010–2015 og leiar av den norsk-tyske Willy Brandt-stiftinga frå 2011.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg