Faktaboks

Vibeke Hammer Madsen
Fødd
27. oktober 1955, Oslo
Vibeke Hammer Madsen, 2016
Vibeke Hammer Madsen, 2016
Av /𝒲.
Lisens: CC BY SA 4.0
Vibeke Hammer Madsen, 2016
Vibeke Hammer Madsen, 2016
Av /𝒲.
Lisens: CC BY SA 4.0

Vibeke Hammer Madsen er ein norsk leiar med brei erfaring frå norsk næringsliv. Madsen var administrerande direktør i hovudorganisasjonen Virke frå 2002 til 2018.

Bakgrunn

Vibeke Hammer Madsen er utdanna radiograf frå Radiografhøgskolen i 1979 og arbeidde som produktsekretær i Agfa Gevaert i 1980–1983. Ho var organisasjons- og personalsjef i KS (Kommunenes Sentralforbund) i 1983–1993 og direktør i Statoil Marketing i 1993–2002. I 1999–2002 var ho partnar i PA Consulting Group, og frå 2002 til 2018 var ho administrerande direktør i hovudorganisasjonen Virke.

Hovudorganisasjonen Virke (fram til 2011 HSH – Handels- og Servicenæringas Hovudorganisasjon) er den nest største hovudorganisasjonen for næringslivet i Noreg og representerer meir enn 20 000 verksemder. Desse medlemsbedriftene utgjer meir enn 225 000 arbeidsplassar i ulike bransjar – innanfor handel, kunnskap, teknologi, reiseliv, service, helse, omsorg, utdanning, kultur og frivillig arbeid.

Madsen har hatt ei rekkje styreverv, og ho har mellom anna vore styreleiar i Virke Forsikring AS (frå 2011) og Virke Eiendom (frå 2015). Ho har vore styremedlem i Kværner ASA (frå 2011), VG (frå 2006), EuroCommerce, Polyteknisk Forening (frå 2015), og ho har vore nestleiar i representantskapet i Storebrand (frå 2004). Madsen har også representert Virke i kontaktutvalet til regjeringa og vore med i fagrådet til Civita.

Tidlegare har ho vore medlem av styra i Akastor ASA (2005–2011), Forskingsrådet (2008–2014) og Aker Solutions (2005–2011), nestleiar Norsk-Svensk Handelskammer (2007–2008) og styreleiar i Ungt Entreprenørskap Noreg (2003–2013). Ho har òg vore bystyrerepresentant i Oslo for Høgre og medlem av finanskomiteen.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg