Hopp til innhold
X
Innhald

Ingjald Nissen

Ingjald Nissen (1896–1977) var psykolog og filosof og frå 1938 statsstipendiat. 

Han var oppteken av forholdet mellom seksualitet, hemningar og maktbruk. Han støtta seg særleg til den austerrikske psykologen Alfred Adler og hans teoriar om mindreverd og kompensasjon. Den mest kjende boka hans er Psykopatens diktatur, som han skreiv under krigen og gav ut i 1945. 

Lars Berg rådførte seg med Nissen under arbeidet med bokene i romanserien om den nordnorske småbrukarfamilien Skarnes, der faren Kristian Skarnes hadde psykopatiske trekk. 

Nissens arbeid er i slekt med det store arbeidet om den autoritære personlegdommen som Theodor W. Adorno stod i spissen for i USA på 1940-talet.


Om artikkelen

Kjeldeliste til Jan Inge Sørbø: Nynorsk litteraturhistorie. Det Norske Samlaget 2018.

Artikkelen er henta frå Jan Inge Sørbø: Nynorsk litteraturhistorie. Det Norske Samlaget 2018. Publisert digitalt etter avtale med forlaget og forfattaren. Prosjektet er ein del av feiringa av 150-årsjubileet til Det Norske Samlaget og 10-årsjubileet til Allkunne.

Først publisert: 06.11.2019
Sist oppdatert: 06.11.2019