Niels Norman
Niels Norman (1770-1836), busett på Leikanger. Prest og folkeopplysar. Sokneprest på Senja i 1803. Sokneprest i Leikanger 1816-1822, og same stilling i Asker 1822-1836.
I dei seks åra han var sokneprest i Leikanger, gjorde han ein stor innsats i skuleverket. Han fekk kjøpt inn bøker og tavler og utdanna sjølv fleire lærarar. Han sette tilsynsmenn inn i kvar krins, der dei hadde fullmakt til å bøteleggje foreldre som ikkje sende ungane sine til skulen.
Norman skaffa Leikanger den første boksamlinga i 1821, og planta ein stor fruktgard på prestegarden.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014.
I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og Fjordane. Dette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til den nye eigaren.
Les meir om overtakinga av Fylkesleksikon for Sogn og Fjordane.
Sist oppdatert: 03.08.2011