Hopp til innhold
X
Innhald

Nils Busch

Nils Busch, d. 1645. Den tredje futen som budde på Svanøy-godset etter at embetssetet vart flytta frå Fure.

Futen Busch budde i Flekke

Busch slo under seg mange eigedomar i Sunnfjord, og budde frå 1625 til ca 1645 sjølv på ein av dei; Solheim på vestsida av utløpet til Flekkeelva i Fjaler.

Bygde i 1626 oppgangssag i Harefossen på Øvre Hovland i Guddalen, og hadde inntekter frå eit rikt laksefiske i Flekkeelva.

Lånte pengar til kongen

Busch var svært rik, og lånte kongen 300 lodd sølv til krigføringa under Trettiårskrigen. Mest kjend for ettertida er likevel Nils Busch fordi han i 1626 sette opp ei matrikkelliste – dvs oversyn over jordeigedomane i Sunnfjord.

Folk frå Busch-slekta åtte garden Solheim til eit stykke innpå 1700-talet.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 25.03.2008