Hopp til innhold
X
Innhald

Nils Landmark

Nils Landmark budde på Leitet. Foto: Asle Veien, NRK.

Nils Landmark budde på Leitet. Foto: Asle Veien, NRK.

Nils Landmark (1844-1923) frå garden Leitet på Tysse. Skipsførar, tollar, misjonær og forfattar.

Drog til sjøs 16 år gamal, navigasjonseksamen i Bergen 1862. Førar av misjonsskipet «Elieser» 1872-1880 som m.a. reiste på misjonsoppdrag til Madagaskar. Tollbetjent i Langesund og Skien 1880-1894, og ved tollkontoret i Stavanger frå 1904 til avskil i 1916.

Gav ut bøkene «Fra Madagaskars Vestkyst» (1884), «Natal, dets Geografi, Næringsveie, Historie etc.» (1884), «Det Norske Missionsselskab, dets Oprindelse og historiske Udvikling, dets Arbeidsmarker og dets Arbeidere» (1889).

Son til Lars Stub Heiberg Landmark og bror til Marie Landmark og Edle Landmark.

Ei av døtrene til Nils Landmark var forfattar Julian (Juli) Wiborg, som m.a. gav ut ei mengde barnebøker.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 15.11.2011