Faktaboks

Ivar Odnes
Fødd
25. mai 1963, Lillehammer, Innlandet
Død
5. oktober 2018
Ivar Odnes.
Stortinget.

Ivar Odnes var byggmeister, politikar og stortingsrepresentant for Senterpartiet (Sp) frå Oppland i 2017–2018.

Bakgrunn

Ivar Odnes var fødd på Lillehammer i Oppland (no Innlandet) og vaks opp i Vågå i Gudbrandsdalen. Han var byggmeister og hadde utdanning frå Norges Trelastskole på Lillestrøm og frå Folkeuniversitetet i 1999–2001. Han arbeidde som byggjeplassleiar ved Aasheim Bygg AS i 1998–2002 og ved Toten Bygg og Anlegg i 2002–2011.

Politisk karriere

Odnes var medlem av kommunestyret i Vågå i seks år og leiar av Oppland Senterparti i 2006–2014. Han representerte Senterpartiet i fylkestinget i Oppland i 14 år, var fylkesvaraordførar i 2011–2017 og vararepresentant til Stortinget i 2013–2017. Han var innvald som stortingsrepresentant for Senterpartiet frå Oppland for perioden 2017–2021. I 2017–2018 var han medlem av transport- og kommunikasjonskomiteen.

Odnes arbeidde med å skape gode løysingar på tvers av dei politiske partia. Han var oppteken av samferdselspolitikk og av å halde ulvebestanden nede, og han arbeidde langsiktig for å utvikle Oppland.

Andre verv og anna engasjement

Odnes var nestleiar i styret i Norsk Kulturarv i 2013–2017 og leiar av KS Oppland og bedriftsforsamlinga i Eidsiva Energi i 2015–2017, og han var òg styremedlem i Indre Østland Fotballkrets og i Senterpartiets studieforbund i Oppland i 2016–2017. Han var også ein habil folkemusikar og bidrog med felespel på utgivinga Norsk folkemusikk 1–10 i 1995.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg