Ola M. Hestenes (1919-2008) frå Hestenesøyra. Bonde og politikar for Senterpartiet.

Ordførar i Gloppen 1968-1976 og medlem av fylkestinget. Hestenes vart i 1976 den første fylkesordføraren i Sogn og Fjordane etter at ein gjekk over til direkte val av fylkesting. Han sat som fylkesordførar i 12 år.

Hestenes hadde ei rad offentlege styreverv m.a. i kraftselskap og muséumsdrift. Han bygde sagbruk på Hestenesøyra i 1953, og dreiv trelasthandel.

Han samla store mengder lokalhistorisk stoff frå si eiga heimbygd etter at han vart pensjonist.

Soneson av skipsførar «Skippar-Ola» - Ola Mattiasson Hestenes.