Ole Martinus (O.M.)Erdal 1848–1914. Bonde, politikar og organisasjonsmann. Utdanna agronom.

Han var eigar av ein stor gard på Skei: «Baron-garden», og arbeidde som prisdommar for hest. I 1890 skipa han Førde jordbrukslag og var styremedlem i Sogn og Fjordane Landbruksselskap og for Mo jordbruksskule. Ordførar i Førde 1896–1898 og 1905–1914, og direktør i Førde Sparebank. Erdal gav fri tomt til sparebanken (Gamlebanken), barneskule og bedehus. Han kjøpte fallrettane i Brulandsfossen frå fossespekulantar, og overdrog dei seinare vederlagsfritt til kommunen, som bygde kraftverk i 1914.

Tildelt Borgardådsmedaljen.