Hopp til innhold
X
Innhald

Øystein Rakkenes

Øystein Rakkenes fødd 1956 i Tromsø. Oppvaksen i Måløy og Deknepollen, busett i Oslo. NRK-journalist og forfattar.

Øystein Rakkenes fødd 1956 i Tromsø. Oppvaksen i Måløy og Deknepollen, busett i Oslo. NRK-journalist og forfattar.

Han har vore sjømann og har m.a. arbeidd som rådgjevar for Dalai Lama. Har arbeidd som programleiar i NRK og som TV-produsent sidan 1989.

Forfattarskap

Rakkenes gav i 2001 ut boka «Havlandet» (Selja forlag) saman med tyskfødde Thomas Bickhardt (fødd 1963) som er busett på Kråkenes fyr. I 2003 «Himmelfolket. En norsk høvding i Zululand» (Cappelen forlag). Boka handlar om misjonæren Hans Paludan Smith Schreuder frå Sogndal.

Amanda-pris

I 2010 fekk Rakkenes Amanda-prisen for dokumentarfilmen ”Brødre i krig”, som han var regissør for. Filmen handlar om to brør som hamna på kvar si side i andre verdskrigen. Ei bok med same tittelen vart gitt ut på Pax forlag i 2010.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 29.03.2012