Hopp til innhold
X
Innhald

Peder Furubotn

Peder Furubotn (1890-1975) frå Brekke, busett i Bergen. Snekkar og kommunistleiar.

Peder Furubotn (1890-1975) frå Brekke, busett i Bergen. Snekkar og kommunistleiar.

Han budde nokre barneår på Sande i Sunnfjord der faren dreiv klesstampe og fargeri. Familien flytta seinare til Osterøy. Furubotn gjekk i snekkarlære i Bergen. Der var han frå 1918 førar i arbeidarrørsla, sekretær i samorganisasjonen og leiar i det kommunistiske ungdomsforbundet.

Sekretær i Norges Kommunistiske Parti frå skipinga i 1923, formann 1925-1930. På 1930-talet var Furubotn også medlem av presidiet i den internasjonale kommunistorganisasjonen Komintern (Den Tredje Internasjonale, skipa 1919, oppløyst 1943) som arbeidde for verdsomspennande revolusjon. Etter opphald i Moskva frå 1930 til 1938, kom han tilbake til Noreg og vart deretter sekretær i partiet si Bergens-avdeling.

I krigstida leia han undergrunnsarbeidet, og hadde m.a. ein nær medarbeidar i Schrøder Leonard Evensen. Etter eit bittert indre oppgjer i partiet i 1949 vart Furubotn pressa ut av kommunistleiinga.

Sjå også:

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til post(a)allkunne.no.


Sist oppdatert: 10.08.2010