Faktaboks

Kjartan Rødland
Fødd
29. november 1938, Bolstadøyri, Voss

Kjartan Rødland er ein norsk journalist, redaktør og forfattar. Rødland var sjefredaktør i Bergens Tidende frå 1977 til 1986. Han er forfattar av eit trettitals bøker med lokale og regionale emne.

Bakgrunn

Rødland er fødd på Bolstadøyri i Hordaland (no Vestland). Han tok examen artium ved Hordaland fylkeskommunale gymnas i 1957.

Journalistikk

Rødland si pressekarriere starta i 1956 og varte til 2000. Han var journalist i Dagen frå 1956 til 1957, i Raumnes frå 1957 til 1959, Nordlands Framtid frå 1960 til 1963, Helgeland Arbeiderblad frå 1963 til 1967, Fædrelandsvennen frå 1967 til 1969 og i Bergens Tidende frå 1969 til 1971.

Han var informasjonssjef i Bergen kommune frå 1972 til 1977, spesialrådgivar for Universitetet i Bergen frå 1988 til 1989 og informasjonsdirektør i Oslo kommune frå 1990 til 1991. Han var deretter redaktør i Bergens Tidende frå 1991 til 2000.

Etter at Rødland gjekk av som sjefredaktør i Bergens Tidende, var han sjefredaktør i avisa Vestkysten, som han var med og grunnla, frå 1986 til 1987.

Politikar

Kjartan Rødland var i ungdomsåra politisk aktiv, først i Unge Venstre, deretter i AUF. Ved stortingsvalet i 1989 var han valkampleiar for Hordaland Høgre.

Utgjevingar

Han har gitt ut ei rad bøker, mellom anna om Nordhordland kraftlag (1994), skuleskipet Statsraad Lehmkuhl (1998), Bergensbanen (1999), vegar i Hordaland (2000), Modalen kommune (2010) og pinsekyrkja Tabernaklet i Bergen (2010).

Utmerkingar

Les meir i Store norske leksikon

Litteratur

  • Nils E. Øy: Pressefolk 1997. Institutt for Journalistikk, Oslo 1998

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg