Hopp til innhold
X
Innhald

Ragnar Vigdal

Ragnar Vigdal (1913-1991) frå Vigdal, busett i Gaupne. Bonde og lastebilsjåfør, motstandsmann under 2. verdskrig, slåttesamlar og folkesongar.

I mai 1945 losa han ei gruppe engelske soldatar frå Luster til kysten av Sunnfjord slik at dei berga seg tilbake til England. Dreiv garden i Vigdal til 1944, då han busette seg på Røneid. Arbeidde som smed og lastebilsjåfør, og starta i 1968 ein betongfabrikk på Røneid som han dreiv til sonen Klaus Vigdal tok over i 1973.

Landskjend folkesongar

Ragnar Vigdal vart ein landskjend folkesongar som m.a. meistra den gamle songteknikken med halvtonar. Han sanka sjølv folketonar frå bygdene i Luster og turnerte mykje som folkesongar. Vigdal gjorde ei mengd opptak for Folkemusikkhalvtimen i NRK, og gav også ut langspelplata «Tonereise til ei gamal samtid» i 1979, og har medverka i samle-cd'ar med folkemusikk frå Sogn og Fjordane i 1995 og 1996.

Pris og symposium

Ragnar Vigdal fekk den første Fylkeskulturprisen som vart delt ut i Sogn og Fjordane i 1980. Sogn og Fjordane Folkemusikklag har seinare arrangert «Ragnar Vigdal-symposium» i Jostedal med deltakarar frå heile Sør-Noreg.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 23.03.2011