Hopp til innhold
X
Innhald

Ragnvald Fagerheim

Ragnvald Fagerheim

Ragnvald Fagerheim

Ragnvald Olson Fagerheim (1883-1961) frå Rivedal, busett i Dale. Lærar, lokalhistorikar og Venstre-politikar.
Eksamen frå Elverum lærarskule 1903, og lærar m.a. ved Dingemoen skule i Dale frå 1921. Underviste i nynorsk i skulane før kommunestyret hadde gjort formelt vedtak om nynorskbruk.

Medlem av kommunestyret frå 1914, skulestyreformann 1917-1934 og ordførar 1935-1940 og 1945-1947.

Forfattar av bygdeboka for Fjaler, og artikkelsamlinga «Fjaler gjennom 1000 år» (utgj. 1977). Far til Oddleif Fagerheim og Magne Fagerheim. Ragnvald Fagerheim var den siste som dreiv lærargarden på Vollen, og borna hans har sett opp ein minnestein over faren på tunet i Klokkargarden.

Fagerheim dreiv garden på Vollen i Dale. Foto: Arild Nybø, NRK.

Fagerheim dreiv garden på Vollen i Dale. Foto: Arild Nybø, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 15.11.2011