Hopp til innhold
X
Innhald

Randi Blehr

Oppstad-veven blir synt fram på ei vevutstilling i Florø i 1999. Foto: Ragnvald Søgnesand, NRK.

Oppstad-veven blir synt fram på ei vevutstilling i Florø i 1999. Foto: Ragnvald Søgnesand, NRK.

Randi Blehr (1851-1928) frå Bergen. Husflidspionér og kvinnesakskvinne. Gift med seinare statsminister Othto Albert Blehr som ei tid praktiserte som sakførar i Lærdal. Ekteparet budde også ei tid på Norfjordeid og på Bruland i Førde.

Randi Blehr var medskipar av Norsk Kvindesaksforening og var leiar i 1895–1899 og 1903-1922. I denne posisjonen var ho ei av dei fremste i kampen for at norske kvinner skulle få røysterett, innført i 1913. Ho var medlem av Norsk Husflids Venner, og i tida i Lærdal gjorde ho ein stor innsats for å berge den norske biletvevtradisjonen, som då var i ferd med å døy ut. Ho fekk kontakt med Kjerstina Vangsnes, som tilnærma kunne den eldgamle norske biletvevteknikken.

I 1889 starta Randi Blehr vevskule med 47 elevar i Lærdal med Kjerstina Hauglum som lærar. Ein av elevane var Frida Hansen frå Stavanger som seinare vart den mest kjende norske biletveverska, med internasjonalt ry. I Lærdal lærte Frida Hansen oppstadvev der veven vert lik på begge sidar, og fekk konstruert vevstolar som høvde for biletvev, og leia 1897-1906 Det norske Billedvæveri.

Sjå også:

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 13.05.2011