Hopp til innhold
X
Innhald

Ronny Hafsås

Ronny Hafsås jublar etterå ha vunne verdscuprenn i langrenn på Beitostølen i desember 2009. Foto: Cornelis Poppe.

Ronny Hafsås jublar etterå ha vunne verdscuprenn i langrenn på Beitostølen i desember 2009. Foto: Cornelis Poppe.

Ronny André Hafsås fødd 1985 frå Stårheim. Skiskyttar og langrennsløpar. Ein av dei fremste løparane i det aktive skimiljøet i Stårheim.

Han vart junior-noregsmeister i langrenn i 2002, og var med på det norske stafettlaget som tok gull under ungdoms-OL i skiskyting i Slovenia i 2003, og på gullaget under Junior-VM i Frankrike i 2004. Noregsmeister i spesiallangrenn for junior i 2003.

Hafsås tok gull på stafetten i junior-NM 2005 saman med Magnus Brendehaug, Hardbagg idrettslag og Tarjei Bø, Stryn.

Han vann sprinten i junior-NM i skiskyting i 2006, og var deltakar på vinnarlaget frå Sogn og Fjordane i same meisterskapen saman med Magnus Brendehaug og Tarjei Bø. Han vart nummer fem på 15 kilometer langrenn i senior-NM 2007.

Verdscupsiger i langrenn

I desember 2009 tok han sin første verdscupsiger i langrenn, då han vann 15 km friteknikk på Beitostølen, og han vart teken ut til det norske OL-laget i langrenn. Men i OL i Vancouver vart han hemma av sjukdom, han vart nummer 42 på 15 km friteknikk, og måtte stå over stafetten.

I NM 2010 i langrenn tok han sølv på 15 km friteknikk.

I 2010 tok han bronse på sprinten i U-26-EM i skiskyting.

Gav opp skiskyting

I 2012 gav Hafsås opp skiskyttarkarrieren etter to år med sjukdom og motgang. I staden satsa han for fullt som langrennsløpar og melde seg inn i Lillehammer skiklubb/Team Birken.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 07.06.2012