Faktaboks

Åge Starheim
Fødd
23. mai 1946, Eid (no Stad), Vestland
Åge Starheim.
Stortinget.

Åge Starheim er tidlegare ordførar i Selje kommune for Høgre og tidlegare stortingsrepresentant for Framstegspartiet (FrP) frå Sogn og Fjordane i 2005–2013.

Bakgrunn

Åge Starheim er fødd i Eid (no Stad) i Sogn og Fjordane (no Vestland). Han har handelsskuleutdanning frå Nordfjordeid frå byrjinga av 1960-åra, og var bokhaldar og deretter kontorsjef hos Selje Skjortefabrikk AS i 1967–1986. Han var prosjektkoordinator hos Selantic Industrier AS i 1990–1998 og avdelingsleiar hos SpaNo Rekneskap AS på Nordfjordeid i 1998–2005.

Politisk karriere

Starheim har vore leiar for Selje Høgre. Han var medlem av Selje kommunestyre i 1976–2005 for Høgre og seinare Framstegspartiet, og var ordførar for Høgre i kommunen i 1983–1989. Han skifta parti i 1997 og var leiar av Selje Framstegsparti i 1998–2005, leiar av Sogn og Fjordane Framstegsparti i 2002–2010 og medlem av Sogn og Fjordane fylkesting i 2003–2007.

I 2005–2013 var Starheim innvald som stortingsrepresentanten for Framstegspartiet frå Sogn og Fjordane. Han var medlem av kommunal- og forvaltningskomiteen på Stortinget og var særleg oppteken av omorganisering av helsevesenet og av samferdsel. Mellom anna ville han ha meir midlar til vegbygging i Sogn og Fjordane og bygging av Stad skipstunnel. Starheim melde seg ut av Framstegspartiet i 2015 etter intern strid i fylkespartiet.

Andre verv

Starheim var leiar i 1984–1991 og medlem i 1991–2005 av styret for Stad skipstunnel AS.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg