Brit Skjelbred er politikar, tidlegare statssekretær og tidlegare assisterande fylkesmann. Ho var utnemnd til mellombels fylkesmann i Sør-Trøndelag i 2015–2017.
Brit Skjelbred
Faktaboks
- Fødd
- 29. juni 1949, Trondheim, Trøndelag
Bakgrunn
Brit Skjelbred er fødd i Trondheim i Sør-Trøndelag (no Trøndelag). Ho var elev ved Strinda videregående skole i 1965–1968 og er utdanna sivilarkitekt frå NTH (no NTNU) frå byrjinga av 1970-åra. Ho har tilleggsutdanning i leiing og organisasjonsutvikling, samt krisehandtering, frå Forsvarets høgskole.
Karriere
Skjelbred arbeidde først i Rennebu kommune og deretter som arkitekt i Sør-Trøndelag fylkeskommune mellom 1975 og 1995. Ho har òg vore tilsett hos Fylkesmannen i Sør-Trøndelag, som plankoordinator, samordningsdirektør og direktør for kommunal- og beredskapsavdelinga.
Brit Skjelbred har politisk erfaring frå Kristeleg Folkeparti (KrF), mellom anna i fylkesstyret til Sør-Trøndelag KrF, og ho har vore leiar for Kommunalpolitisk utval i partiet. Skjelberd var politisk rådgivar for statsråd Kåre Gjønnes i Landbruksdepartementet i 1997–1998 i regjeringa Bondevik I. Ho var seinare statssekretær for Einar Steensnæs i Olje- og energidepartementet i 2001–2004 i regjeringa Bondevik II.
Frå 2011 til 2015 var ho assisterande fylkesmann i Sør-Trøndelag. I 2015 blei Skjelbred konstituert som mellombels fylkesmann i Sør-Trøndelag og var fylkesmann fram til Nord- og Sør-Trøndelag blei slått saman i 2018 til Trøndelag.
Andre verv
Ho har hatt ei rekkje tillitsverv, mellom anna som medlem av landsstyret i Blå Kors i fleire år fram til 2016 og verv i Kirkens Bymisjon.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.