Faktaboks

Cathrine Sandnes
Fødd
19. mars 1972, Seoul, Sør-Korea
Cathrine Sandnes - promobilde
Cathrine Sandnes - promobilde
Av /Manifest forlag.

Cathrine Sandnes er ein norsk redaktør, journalist og forfattar. Ho har markert seg i kultur- og samfunnsdebatten som skribent, redaktør og leiar for tankesmia Manifest. Ho har vore norgesmeister i karate 13 gonger. Frå 2019 er ho sjefredaktør i J. M. Stenersens forlag.

Bakgrunn

Cathrine Sandnes voks opp i Røyken i Buskerud. Ho tok mellomfag i litteraturvitskap i 1992 og i nordisk i 1998, begge ved Universitetet i Oslo.

Journalist og avisredaktør

I 1990-åra arbeidde Sandnes òg som journalist, mellom anna i Natt&Dag, Morgenbladet og Arbeiderbladet (no Dagsavisen). Ho var kulturredaktør i Dagsavisen frå 1998 til 2000 og seinare frå 2002 til 2005.

I 1999 var Sandnes medredaktør for boka Matriark. Nesten sanne historier om å være kvinne saman med Beate Nossum og Christina Smith-Erichsen. I 2002 skreiv ho ei bok om fotball-VM i Sør-Korea og Japan med tittelen Fotball-VM 2002. Reisen østover.

Samtiden

I 2006 byrja ho som redaktør for tidsskriftet Samtiden, som blei kåra til årets tidsskrift året etter. Der var ho til 2014.

Frå 2009 til 2013 sat Sandnes i stemmerettskomiteen som planla og gjennomførte stemmerettsjubileet i 2013. Ho har vore spaltist i Kvinner og klær og Dagbladet, og litteraturkritikar i Aftenposten.

Forlagsredaktør

I 2014 tok ho til som leiar for Manifest senter for samfunnsanalyse og som dagleg leiar for Manifest forlag.

Ho var redaktør for sakprosa i Gyldendal forlag frå 2017 til 2019, då ho gjekk til J. M. Stenersens Forlag der ho blei sjefredaktør.

Kickboksing

Sandnes har vore noregsmeister i karate 13 gonger, og under EM i Finland i 1994 tok ho bronsemedalje i kickboksing.

Familie

Cathrine Sandnes er gift med nasjonalbibliotekar Aslak Sira Myhre

Utmerkingar

  • Sandnes fekk «Gullpennen» av Riksmålsforbundet i 2004.

Litteratur

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg