Faktaboks

Helge Simonnes
Helge Atle Simonnes
Fødd
21. desember 1955, Vanylven, Møre og Romsdal
Helge Simonnes
Av /NTB Scanpix.

Helge Simonnes er ein norsk siviløkonom, journalist og tidlegare avisredaktør. Han har vore konsernsjef i Mentor Medier og administrerande direktør, og var sjefredaktør i avisa Vårt Land i nærmare tretti år.

Bakgrunn

Helge Atle Simonnes studerte statsvitskap og økonomisk administrasjon ved Distriktshøgskolen i Molde (no Høgskulen i Molde) i åra 1979–1982 og er utdanna siviløkonom frå BI i 1985. Han tok første avdeling jus ved Universitetet i Oslo i 1987.

Journalistikk og medieleiing

Simonnes arbeidde deltid som journalist i Sunnmørsposten frå 1972 til 1982. Han blei tilsett som marknadssjef i Vårt Land i 1985, var konsernsjef i Mediehuset Vårt Land i åra 1991–2015. I perioden 1987–2016 var han administrerande direktør og sjefredaktør i Vårt Land. Frå 2016 er han spaltist i Dagsavisen.

Mediekonsernet han leidde endra namn til Mentor Medier i 2009. Med avisa Vårt Land i sentrum, omfattar det mellom anna Dagsavisen, Rogalands Avis, Ny Tid og Le Monde Diplomatique.

Simonnes har sett varige spor etter seg i mediebransjen, mellom anna gjennom arbeidet for å sikre pressestøtta.

Styreleiar

Frå 1999 til 2002 var han styreleiar i Norske Avisers Landsforeining og Mediebedriftenes Landsforbund. Han har og vore styreleiar i Norsk Presseforbund og Dagsavisen.

Utmerkingar

  • Simonnes fekk heidersprisen til Oslo Redaktørforening i 2016.

Utgjevingar

  • En Gud for de mange (Kagge Forlag 2016).
  • Om kKampen om korset i politikken (Vigmostad & Bjørke 2019).
  • Et norsk eventyr. Norsk Elbilforening i 25 år (Dinamo forlag 2020).
  • Trump, Gud og kirken (Verbum forlag 2021).

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg