Faktaboks

Hilde Sandvik
Fødd
30. april 1970, Erfjord, Suldal kommune
Hilde Sandvik

Hilde Sandvik på Ytringsfrihetskonferansen på Christianborg i 2017.

Hilde Sandvik
Av /Ritzau Scanpix.

Hilde Sandvik er ein norsk journalist og forfattar. Ho er sjefredaktør i Broen.xyz og var frå 2010 til 2016 kultur- og debattredaktør i Bergens Tidende.

Hilde Sandvik tok vidaregåande skule i 1986–1989 og er utdanna cand.philol. med hovudfag i kunsthistorie frå Universitetet i Bergen og «visual culture» ved Goldsmiths College i England.

Journalistikken

Sandvik var frå 2003 til 2006 redaktør i tidsskriftet Syn og Segn saman med Marit Eikemo. Sommaren 2005 var ho òg debattredaktør i Dagbladet, og har dessutan vore spaltist mellom anna i Klassekampen. Sandvik arbeidde i Bergens Tidende frå 2006 til 2016, dei første åra som journalist. Frå 2016 har ho hatt ansvaret for å lage ei nordisk digital plattform for kulturdebatt og politikk, Broen.xyz, som ho er grunnleggjar av og sjefredaktør i. Sandvik er programleiar i den skandinaviske NRK-podkasten «Norsken, svensken og dansken», som blir sendt på NRK P2, Danmarks Radio (DR) i Danmark og Sveriges Radio i Sverige.

Anna engasjement

Sandvik har vore styremedlem i musikkfestivalen Borealis, nestleiar i Norsk Tidsskriftforeining og er medlem av Utvidet Råd i Studentersamfunnet i Bergen. Ho var medlem av styret i Norsk Redaktørforeining frå 2013 til 2017, er styremedlem i Amedia AS frå 2016 og styremedlem i Foreningen Norden frå 2016. Frå 2018 til 2020 var ho nestleiar i Foreningen Norden.

Utmerkingar

Saman med Katrine Sele fekk Sandvik Kulturdepartementet sin nynorskpris for journalistar i 2012.

Utgjevingar

  • Hersketeknikk (saman med Jon Risdal), 2007
  • Diverse teikningar (saman med Marvin Halleraker), 2007
  • Traktorland (saman med Knut Egil Wang), 2008
  • Svensken, dansken og nordmannen – skikk og bruk i nordisk debattkultur, 2016

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg