Faktaboks

Kåre Simensen
Fødd
30. august 1955, Alta, Finnmark
Kåre Simensen.
Stortinget.

Kåre Simensen er ein norsk politikar for Arbeidarpartiet som var stortingsrepresentant frå Finnmark i 2009–2017.

Bakgrunn

Kåre Simensen er fødd i Alta. Han gjekk på Alta gymnas i 1976–1978 og er cand.mag. med studiar i data ved Gjøvik ingeniørhøgskole (no NTNU) i 1982–1984 og økonomi og administrasjon ved Finnmark distriktshøgskole (no UiT Norges arktiske universitet) i Alta i 1988–1990.

Simensen var skiferarbeidar og sjølvstendig næringsdrivande i 1973–1976, data- og økonomimedarbeidar i Finnmarksdata AS i 1979–1982, dataansvarleg for drift i Sparebanken Nord-Norge i 1984–1988, kundekonsulent i Unique AS, avdeling Alta, i 1994–1996 og dataprogrammerar i Simko Data AS i 1990–2007.

Politisk karriere

Han var medlem av Alta kommunestyre i 1995–2007, i formannskapet i 1999–2003 og var varaordførar i 2003–2007. I perioden 2007–2009 var Simensen medlem av fylkesutvalet i Finnmark, og var fylkesråd for kultur, næring og samferdsel i Finnmark fylkeskommune.

Simensen var stortingsrepresentant frå Finnmark i 2009–2017. Han var medlem i familie- og kulturkomiteen i 2009–2013 og i utanriks- og forsvarskomiteen i 2013–2017. Han stilte ikkje til attval ved stortingsvalet i 2017.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg