Hopp til innhold
X
Innhald

Kristoffer Sælid

Kristoffer Oveson Sælid, lektor og norskdomsmann. Han var ein av dei som sytte for at norskdomsarbeidet ikkje blei nazifisert under den tyske okkupasjonen.
Sælid var fødd i Øystre Slidre 10. februar 1905 og døydde 24. november 1990. Han blei cand.theol. i 1930, og han var dagleg leiar i Noregs Ungdomslag og Noregs Mållag 1936–42 og 1945–47.
 
Sælid redigerte Norsk Ungdom 1936–47, og i åra 1942–45 dreiv han saman med mellom anna Knut Fortun den illegale organisasjonen Sivleringen for å hindre nazifisering av ungdomsarbeidet.
 
Frå 1947 var han lektor ved Oslo off. lærarskule og underviste i nynorsk ved Universitetet i Oslo 1965–77.
 
Blant skriftene hans er Rettleiing i ungdomsarbeid (1948) og Glytt frå lagslivet i Noregs Ungdomslag i eldre tid (1949).
 
Kjelder
Ottar Grepstad: Viljen til språk. Ei nynorsk kulturhistorie. Oslo 2006

Først publisert: 17.09.2009
Sist oppdatert: 20.08.2010