Faktaboks

Magnus Stangeland
Fødd
17. mars 1941, Austevoll, Vestland
Magnus Stangeland.

Magnus Stangeland er næringslivsleiar og tidlegare stortingsrepresentant for Senterpartiet (Sp) frå Hordaland.

Bakgrunn

Magnus Stangeland er fødd i Austevoll i Hordaland (no Vestland). Han gjekk ut frå lærarskulen på Stord i 1966 og tok i 1970 handelsskuleeksamen i Bergen. Han tok òg kurs som kystskipper ved Fiskarfagskulen i Austevoll i 1996.

Stangeland var rektorStorebø skule frå 1970 til 1978. Før det arbeidde han som lærar, som idrettsinstruktør i Sjøforsvaret og som fiskar. I 1997 vart han administrerande direktør i DOF Industri A/S og fekk i 2002 tilsvarande stilling i North Sea Drilling Group AS.

Politisk karriere

Stangeland var medlem av Austvoll kommunestyre for Senterpartiet i 1972–1984, av Austvoll formannskap i 1981–1983 og ordførar i Austevoll frå 1975 til 1981. Han var òg medlem av Hordaland fylkesting frå 1981 til 1983.

Han var vararepresentant til Stortinget i 1981–1985 og var vald inn som stortingsrepresentant for Senterpartiet frå Hordaland i 1985–1997. Stangeland var nestleiar i Senterpartiet si stortingsgruppe i 1989–1993. Han var medlem av fleire komitear på Stortinget, og frå 1993 til 1997 var han mellom anna leiar for samferdselskomiteen.

I 2011 vart Stangeland, saman med Anders Talleraas frå Høgre, dømd til fengselsstraff i Oslo tingrett for grovt aktlaust bedrageri, etter utbetaling av for høg stortingspensjon. Han vart seinare frikjend i lagmannsretten.

Andre verv

Stangeland har hatt ei rekkje styre- og tillitsverv i bedrifter og organisasjonar. Han var mellom anna styreleiar i Posten Noreg i 1999–2002 og president i Redningsselskapet i 2000–2006.

Les meir i Store norske leksikon

Eksterne lenker

Litteratur

  • Garvik, Olav: Gründer i grov sjø (2011)

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg