Faktaboks

Nils Nilsson Skum
Fødd
13. april 1872, Jukkasjärvi, Norrbotten, Sverige
Død
27. desember 1951, Sjiska i Kiruna, Sverige
Landskapsbilde
Nils Nilsson Skum. Motiv frå Lappland med reinsdyr. Blanda teknikk. H. 25. B. 34.

Nils Nilsson Skum var ein samisk kunstnar.

Bakgrunn

Skum var fødd på Ciuruduottar under vårflyttinga frå Kautokeino til Gällivare. Han gifte seg med Helena Kuhmunen i 1893. Han levde heile sitt liv som flyttsame og utvikla sine kunstnariske evner på eiga hand.

Kunsten

Skum skildra livet til folket sitt i ei lang rekkje teikningar og pastellar, naiv i uttrykket, men livfulle og prega av eit uvanleg skarpt blikk for det karakteristiske i landskap, figurar og situasjonar. Også i eit par bøker skildra han samar sitt miljø og daglegliv. Skum turnerte mykje med kunsten sin, mellom anna i Berlin og på verdsutstillinga i Paris i 1937.

Store delar av kunsten hans heng i dag på Nordiska Museet i Stockholm, hos Gällivare kommune, hos LKAB i Kiruna og hos mange private samlarar. Skum etterlét seg skulpturar, knivar og ymse duodji. I tillegg etterlét han seg over 3000 teikningar og pastellar frå reindrifta og livet på vidda, publisert i bøkene Sáme siida – samebyn (1938) og Valla renar (1955).

Skum vart gravlagd i Jukkasjärvi. Medan han levde, var Skum ein så populær kunstnar at Svenska Järnvägen bygde Sjisjka stasjon i nærleiken av huset hans.

Les meir i Store norske leksikon

Faktaboks

Nils Nilsson Skum

Kommentarar (2)

skreiv Heaika Skum

Det står at han er norsk samisk billedkunster, no som ikke stemmer. Han ble født 13.4.1872 i Jukkasjärvi, Norrbotten, Sverige. Han døde 27.12.1951 i Sjisjka i Kiruna kommune i Sverige.

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg