Faktaboks

Solfrid Sivertsen
Fødd
29. desember 1947, Mosterhamn i Bømlo, Vestland.

Solfrid Sivertsen er bibliotekar og forfattar av stillfarande realistiske dikt, noveller, romanar og barnebøker.

Bakgrunn

Solfrid Sivertsen er fødd i Mosterhamn i Bømlo i Hordaland (no Vestland). Ho er syster til den avdøde artisten Kenneth Sivertsen. Tidlegare har ho arbeidd på sjukehus i England og som resepsjonist i Bergen. Ho har arbeidd som bibliotekar i tillegg til forfattaryrket.

Forfattarskapen

Ho debuterte i 1986 med novellesamlinga Porselensfiguren. Diktsamlinga Bortanfor mellomste rommet kom i 1988 og debutromanen Grøn koffert i 1994. Ho har gitt ut fleire barnebøker, den første var På ein krakk, på ein stol (1998).

Sivertsen skriv lyrisk, utan klisjear og med innsikt om tilsynelatande kvardagslege ting utan å sjokkere. Ho skriv om omsorg, kvardagsliv, barndom, lagnader, lengt, sanning og livsløgner. Ho meistrar kombinasjonen av stillfarande realisme og stor dramatikk.

Utmerkingar

I 1994 fekk Sivertsen Nynorsk litteraturpris for romanen Grøn koffert. I 2010 vann ho førsteprisen i MARGboks romankonkurranse med Før klokka fire.

Bibliografi

  • Ho sykla bort og andre noveller (Noveller, Samlaget, 2018)
  • Før klokka fire (Roman, Margbok, 2010)
  • Eit plutseleg mørke (Roman, Samlaget, 2008)
  • Små, små løgner (Noveller, Samlaget, 2006)
  • Fillebikkja og Frida (Barnebok, Samlaget, 2003)
  • Trappa (Noveller, Samlaget, 2001)
  • Ein storebror som Magnus (Barnebok, Samlaget, 1999)
  • På ein krakk, på ein stol. (Barnebok, Samlaget, 1998)
  • Langtidsvarsel. (Roman, Samlaget, 1996)
  • Grøn koffert. (Roman, Samlaget, 1994)
  • Bak glaset. (Noveller, Samlaget, 1991)
  • Bortanfor mellomste rommet. (Lyrikk, Samlaget, 1988)
  • Porselensfiguren. (Noveller, Samlaget, 1986)

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg