Hopp til innhold
X
Innhald

Unni Berge

Foto: Cato Buch.

Foto: Cato Buch.

Unni Berge fødd 1979 i Bygstad, busett i Oslo. Miljøarbeidar og politisk sekretær. Mastergrad i statsvitskap.

Ho har vore landsleiar for Operasjon Dagsverk og styreleiar i Natur og Ungdom.

Vart i 1997 oppnemnd som medlem av Verdikommisjonen som Bondeviks 1. regjering sette ned for å finne fellesnormer for det norske samfunnet.

Berge har arbeidd som fagleg ansvarleg for oljesaker i miljøorganisasjonen Bellona, seinare som fagleg ansvarleg i milsjøstiftinga Zero innan feltet fornybar energi. Ho arbeider og som prosjektmedarbeidar for Sunnfjord Energi med vindkraft i Solund

Unni Berge har gitt ut boka "FEBER. Historia om norsk olje og gass" saman med Gudmund Skjeldal (Cappelen Damm 2009).

I 2012 vart ho utnemnd til politisk sekretær i Bistands- og utviklingsdepartementet.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 18.04.2012