Faktaboks

Mari Velsand
Fødd
1968, Gran på Hadeland
Marit Velsand
Mari Velsand direktør i Medietilsynet på talerstolen i forbindelse med at kulturminister Trine Skei Grande mottar rapport om NRKs ansvar for mediemangfoldet i 2018.
Marit Velsand
Av /NTB Scanpix.

Mari Velsand er ein norsk journalist, og har mellom anna vore programdirektør i NRK og redaktør i avisa Nationen. Ho blei utnemnd til direktør i Medietilsynet i 2017.

Utdanning

Mari Velsand gjekk på Brandbu videregående skole og studerte frå 1984 til 1987 ved Irvine High School i Kentucky, USA. Velsand er i tillegg utdanna ved Norsk Journalisthøgskole (no OsloMet – Storbyuniversitetet) i 1991–1992, tok spansk ved Universidad Complutense de Madrid i 2007 og har ein mastergrad i management frå BI i 2011.

Journalistikken

Velsand begynte som journalist i Oppland Arbeiderblad (1987–1990) og var tilsett i NRK mellom 1992 og 2008 i ulike roller, mellom anna som redaksjonssjef, vaktsjef og distriktsredaktør i NRK Hordaland. Ho var programdirektør frå 2000 til 2005. Velsand var òg med på å lansere NRK-programmet «Norge i dag» i 1996. Ho var sjefredaktør og administrerande direktør i Nationen frå 2008 til 2013, konsernsjef i Tun Media 2012–2013, konserndirektør i mediekonsernet Amedia AS frå 2014 til 2017, før ho blei utnemnd til direktør i Medietilsynet i 2017.

Anna engasjement

Velsand har hatt mange verv innanfor mediebransjen. Ho har mellom anna vore styreleiar i Bergensavisen, Tidens Krav og Fredrikstad Blad. I 2013–2017 var ho leiar av Oslo Redaktørforening. Ho har òg vore medlem av styret for NTB, leiar av Medieforeningen i Oslo og Akershus og medlem av hovudstyret i Mediebedriftenes Landsforening (MBL).

I 1996 var Velsand redaktør for Ung framtid, ei bok som Norges Bygdeungdomslag gav ut.

Utmerkingar

Ho fekk utmerkinga Avisgutten i 2017 for innsatsen i MBL.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg