Vilhelm Kristian Flugeim (1859-1942) frå Kvåle i Sogndal. Lærar, målreisingsmann, lokalhistorikar og Venstre-politikar. Lærareksamen 1878, og vart same året - 19 år gamal - lærar ved Sogndal Folkehøgskule, der han vart til 1909.

Frå 1909 lærar ved folkeskulen og klokkar i Stedje kyrkje. Han var også kasserar i sparebanken.

Flugeim skipa Sogndal Sogelag i 1920, og sanka det meste av stoffet til dei store årbøkene «Heimbygdi vår Sogndal» som vart gjevne ut frå 1921 til 1941. Desse bøkene har danna grunnlaget for det seinare bygdebokarbeidet. Medlem i kommunestyret i mange år og var også ordførar og varaordførar. Vararepresentant til Stortinget 1910-1918.

Tildelt kongens fortenestemedalje i gull.