W

Anders Bjørnsen Werp, skogbrukar, tidlegare ordførar i Øvre Eiker og stortingsrepresentant for Høgre frå Buskerud sidan 2009.

Andrew Wyeth, 1917–2009, var amerikansk målar.

Arnold Weiberg-Aurdal var sivilagronom og politikar. Han var ordførar i Sykkylven og stortingsrepresentant for Senterpartiet frå Møre og Romsdal i fire periodar.

Bjørn Wiinblad, 1918–2006, var dansk målar, teiknar og keramikar.

Frank Lloyd Wright [rait], 1869–1959, var amerikansk arkitekt og ein av dei største i vår tid.

Fritz Wotruba, 1907–75, var austerriksk bilethoggar, målar og teiknar.

Heinrich Wölfflin, 1864–1945, var sveitsisk kunsthistorikar og banebrytande for den formale metoden.

Ingunn Elida Wiken, sjølvstendig næringsdrivande og illustratør. Ho har gitt ut barneboka Karl Oscar i hardt ver saman med Eli Kari Gjengedal.

Johann Joachim Winckelmann, 1717–68, var tysk arkeolog og kunstteoretikar.

Otto Wagner, 1841–1918, var austerriksk arkitekt og pedagog.

Peter Wessel, vidgjeten norsk sjøoffiser under Den store nordiske krigen, etter ei rekkje djerve bragder i sjøkampen mot Sverige. 25 år gamal vart han adla som Tordenskjold, i 1718 utnemnd til admiral. Djervskapen kosta han til slutt livet, då han fall i ein duell med ein svensk offiser, like etter krigen.

Sigurd Willoch, 1903–91, var kunsthistorikar.

Sir Christopher Wren [renn], 1632–1723, var engelsk arkitekt og kongeleg generalbyggmeister etter London-brannen i 1666.

Svein Tang Wa, trubadur og biletkunstnar med kinesisk namn og stavangerdialekt som fremste varemerke.

Thomas von Westen, 1682–1727, var prest og misjonær.

Tom Wesselmann, 1931–2004, var amerikansk målar og popkunstnar.

Werner Nilsen Werenskiold, jurist og målstrevar.