Yang og yin eller yin og yang er eit gamalt kinesisk symbolomgrep for dei to motpolane som ein meiner å sjå i all natur. Omgrepet representerer ingen dualisme i vestleg forstand, som til dømes det vonde og det gode i kristendomen, men dei to elementa fyller kvarandre ut og er begge nødvendige for å danne ein harmonisk heilskap. Yang blir oppfatta som det maskuline, himmelske, lyse, varme, sentripetale elementet, og Yin som det feminine, jordiske, mørke, kalde og sentrifugale elementet.