Hopp til innhold
X
Innhald

Aage W. Owe

Aage W. Owe (1894-1978) frå Horten. Generaldirektør i Årdal og Sundal Verk. Utdanna ved Universitetet i Oslo og NTH som kjemiingeniør. Arbeidde nokre år som lærar før han i 1923 vart tilsett som kjemikar, seinare sjefskjemikar i O. Mustad til 1935. Var 1935-1945 sjefingeniør i AS Margarinsentralen, 1945-1946 direktør same stad.

Owe var administrerande direktør og nestleiar i styret for A/S Årdal Verk frå starten i 1947 til 1952, då han vart generaldirektør i det utvida selskapet Årdal og Sunndal Verk (ÅSV). Owe var generaldirektør i ÅSV til 1966.

Han var kjend for ein «sentralistisk» leiarstil med stor sans for detaljstyring. Alt som student hadde Owe sentrale leiarverv i studentorganisasjonar, og sat frå 1935 i ei rad offentlege utval. Innan næringsliv og utdanning hadde han mange tillitsverv. Owe var m.a. leiar av Studieplankomiteen for NTH som i 1952 la grunnlaget for høgare teknisk utdanning i Noreg. Riddar av St. Olav Orden, den svenske Nordstjerneordenen, Finlands Hvita Ros-orden, Kongens gullmedalje og vitskapleg avhandling og æresmedlem i NIF.

Generaldirektør Aage W. Owe var ein ivrig fotograf, og han har teke ei rekkje bilete som er med på å dokumentere korleis Årdal vart omforma på 1950-talet. Dette biletet av Årdalstangen tok han i 1959. Eigar av biletet: Årdal Sogelag.

Generaldirektør Aage W. Owe var ein ivrig fotograf, og han har teke ei rekkje bilete som er med på å dokumentere korleis Årdal vart omforma på 1950-talet. Dette biletet av Årdalstangen tok han i 1959. Eigar av biletet: Årdal Sogelag.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 12.04.2011