Den gamle kraftstasjonen i Øvre Årdal er eit særmerkt byggverk. Foto: Kjell Arvid Stølen, NRK.

Tyinfaldene starta ein mindre kraftstasjon i 1918. Den sytte frå 1920 for straumforsyning til gardane i Øvre Årdal. I 1933 bygde Tyinfaldene ein ny stasjon som forsynte heile Øvre Årdal. På Årdalstangen fekk folk installert elektrisk straum i 1943-1944, produsert på eit dieselaggregat som krigsfirmaet Nordag bygde.

L/L Årdal Kraftlag

vart skipa i 1945 og sytte fram til 1949 for at alle grendene i kommunen, med unntak av Ytre Ofredal, fekk innlagt straum.

Årdal Energi

– sjå L/L Årdal Kraftlag.

Årdalsnett AS

– sjå L/L Årdal Kraftlag.

Den øvre delen av Seimsdalen, der Seimsdal Kraft har bygt småkraftverk. Foto: Kjell Arvid Stølen, NRK.

Øyni kraftverk

i Seimsdal vart sett i drift i 2011. Dette er det første småkraftverket i Årdal og er bygt av grunneigarar i Seimsdalen. Krafta frå Seimsdalselvi – 17 GWh - er nok til å forsyne 1200 husstandar.

Kraftmast på Loi med Årdalstangen i bakgrunnen. Foto: Kjell Arvid Stølen, NRK.

Om fossekjøp, Tyinfaldene og utbyggjing av kraft til storindustrien - sjå m.a.:

• Dei store fossekjøpa i Årdal
• A/S Tyinfaldene