Hopp til innhold
X
Innhald

Årdal Sogelag størst på Vestlandet

Koparverkshuset som sogelaget kjøpte og som no står på Årdalstangen. Foto: Kjell Arvid Stølen, NRK.

Koparverkshuset som sogelaget kjøpte og som no står på Årdalstangen. Foto: Kjell Arvid Stølen, NRK.

Sogelaget i Årdal vart skipa i 1949. Den første store oppgåva for laget var å få kjøpt det gamle ”koparverkshuset” som var det einaste bygningsminnet som var att etter Årdal Koparverk frå 1700-talet. Dette vart funne att i Luster og flytta og sett opp att i Øvre Årdal, men vart seinare flytta til Årdalstangen.

Etter å ha lege nede i mange år, vart historielaget nyskipa i 1991 og har med tida fått 800 medlemer. Dette gjer det til eitt av dei største historielaga i landet. Laget har eige medlem blad: ”Årdal før og no”, og har også arbeidd mykje for å sikre minna etter utanlandske krigsfangar som arbeidde i tusental på Årdals-anlegga under 2. verdskrig. Laget har teke vare på Russarbrakka i Saltviki og nyttar den som lagslokale.

Årdal Sogelag har sett i stand ei av russarbrakkene i Saltviki og brukar den til lagslokale. Foto: Egil Jørgen Lund.

Årdal Sogelag har sett i stand ei av russarbrakkene i Saltviki og brukar den til lagslokale. Foto: Egil Jørgen Lund.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 02.02.2010