Hopp til innhold
X
Innhald

Hege Bakken Wahlquist

Hege Bakken Wahlquist, fødd 1992 i Øvre Årdal. Handballspelar og sjukepleiar. 

Wahlquist debuterte som seniorspelar i IL Jotun i 2008. I 2011 gjekk ho til eliteserieklubben Sola i Rogaland. I ein kamp i eliteserien fekk ho ein alvorleg kneskade og var ute av spel i eitt år. I 2013 gjekk ho til eliteserieklubben Glassverket IF i Drammen. Der var ho med på å ta sølvmedalje i 2014/15 og bronsemedalje 2015/2016. I 2016 gjekk ho vidare til den danske eliteserieklubben Team Tvis Holstebro. For sesongen 2017/2018 skal ho spele for eliteserieklubben Silkeborg.

Hege Bakken Wahlquist har mange kampar for aldersbestemte landslag, og var mellom anna med på å ta sølvmedalje i ungdoms-VM i 2010. Ho har også fleire kampar for det norske rekruttlandslaget.

Hege Bakken Wahlquist under ein handballkamp. Kjell Arvid Stølen / NRK.

Hege Bakken Wahlquist under ein handballkamp. Kjell Arvid Stølen / NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.

Først publisert: 19.06.2017
Sist oppdatert: 19.06.2017