Hopp til innhold
X
Innhald

Henry Bruflat

Den tidlegare Bruflat-butikken husar i dag klesforretningane C you og Match Årdal Mote. Foto: Kjell Arvid Stølen, NRK.

Den tidlegare Bruflat-butikken husar i dag klesforretningane C you og Match Årdal Mote. Foto: Kjell Arvid Stølen, NRK.

Henry Bruflat frå Høyanger starta klesbutikk i Øvre Årdal i 1961. Han hadde nokre år tidlegare starta klesbutikk i Norheimsund i Hardanger, og hadde også avdelingar både i Sogndal og på Husnes.

Ved sida av butikkjeda engasjerte også Bruflat heimeverande kvinner som strikka jakker som han eksporterte til USA.

Etter at Henry Bruflat omkom i ei ulukke i Danmark i 1982, dreiv enkja Helga Bruflat forretningskjeda vidare. Ho selde forretninga Øvre Årdal på slutten av 1990-talet, men butikken gjekk berre få år etter dette før den vart avvikla.

Men det er framleis i 2009 klesforretningar i den tidlegare Bruflat-butikken: Match Årdal Mote og C you.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 04.02.2010