Hopp til innhold
X
Innhald

HMR Hydeq

HMR Hydeq As. Foto: Kjell Arvid Stølen, NRK.

HMR Hydeq As. Foto: Kjell Arvid Stølen, NRK.

HMR Hydeq er ein fabrikk som vart starta i Øvre Årdal i 1988 og heitte opphaveleg Hydeq AS. Verksemda produserer spesialtilpassa transportutstyr og anna teknisk utstyr til aluminiumsindustrien, og har fabrikklokala på 2000 kvadratmeter like ved aluminiumsverket i Øvre Årdal.

HMR Hydeq AS utfører også vedlikehald og service av utstyr på smelteverket, og har såleis teke over mykje av det arbeidet som vart utført av eigne tilsette i ÅSV – seinare Hydro.

Årdals-verksemda leverer også produkt og tenester til andre norske aluminiumsverk og til aluminiumsverk i utlandet.

Verksemda har 40 tilsette og ein omsetning i 2006 på nærmare 87 millionar kroner. HMR Hydeq i Årdal er ein del av eit større konsern som har avdelingar på Sunndalsøra, Husnes og Voss, og dessutan er representert i fleire land både i Europa, Asia og Amerika.

I 2012 vart HMR Hydeq fusjonert med HMR Årdal med namnet HMR Hydeq. Dei to verksemdene fekk stor nedgang i aktiviteten frå 2008 til 2012 som fylgje av nedgang på aluminiumsmarknaden. Talet på tilsette i den fusjonerte verksemda vart i 2012 redusert frå 90 til 70.

Ei tappevogn produsert i Øvre Årdal. Foto: HMR Hydeq.

Ei tappevogn produsert i Øvre Årdal. Foto: HMR Hydeq.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 03.09.2012