Hopp til innhold
X
Innhald

Helikopterulukka i Alden

Helikopteret trefte fjellveggen på sørvestsida av Alden. Foto: Ole Johannes Øvretveit, NRK.

Helikopteret trefte fjellveggen på sørvestsida av Alden. Foto: Ole Johannes Øvretveit, NRK.

I 1990 omkom fem personar då eit helikopter havarerte i det høge fjellet på Alden.

Fire av dei omkomne var mannskap på helikopteret, den femte sjukepleiar. Helikopteret skulle delta i søket etter taretrålaren «Noralg» frå Bulandet som hadde gått ned ved Geita fyr, då flygaren tok feil av høgda og rende i fjellveggen. Lydopptak frå taleregistratoren i helikopteret viste at flygaren hadde eit kart der høgda på Alden var oppgitt i meter, medan han trudde det var fot. Dei to som var mannskap på trålaren, omkom i forliset.

På dette biletet ser vi delar av helikoptervraket ved foten av den stupbratte fjellsida. Foto frå TV-reportasje: Asle Veien, NRK.

På dette biletet ser vi delar av helikoptervraket ved foten av den stupbratte fjellsida. Foto frå TV-reportasje: Asle Veien, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 24.06.2010