Hopp til innhold
X
Innhald

M.B. Sellevold

Herland på Atløy. Butikken til Sellevold heldt til i det kvite huset med valma tak litt til venstre for midten av biletet. Foto: Malene Vilnes, NRK.

Herland på Atløy. Butikken til Sellevold heldt til i det kvite huset med valma tak litt til venstre for midten av biletet. Foto: Malene Vilnes, NRK.

M.B. Sellevold landhandel på Herland vart grunnlagt i 1898 av (Kolbein) Mathias Berntson Sellevold.

Han dreiv også eit lite fiskemottak og bygde ishus. Isen vart saga i eit vatn på Tjernholmen ved Hindøy og i nokre vatn kring Høgenipa. Isblokkene frå desse vatna vart sende i løypestreng ned til ishuset på Herland, der dei vart lagde i sagmask slik at dei ikkje smelta før isen skulle brukast til fiskekjøling.

I 1912 tok Mathias B. Sellevold over som dampskipsekspeditør etter Tollak Herland. Sellevold bygde ny butikk i 1937 og kai noko seinare. Sonen Sigvald Matias Sellevold tok over og dreiv handelen fram til 1984, då systersonen Terje Høvik tok over butikken. Han dreiv til 1988.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 17.06.2010