Hopp til innhold
X
Innhald

Realskule og gymnasplanar i Askvoll

Audun Wåge.

Audun Wåge.

Under 2. verdskrig vart det starta privat realskule i Askvoll i 1941. Styrar var Audun Wåge (1919-1988) frå Vågsvåg ved Måløy, og han hadde med seg to lærarar.

Skulen var i drift frå 1941 og heilt til ungdomsskulen vart innført i 1967. Realskulen heldt førsta 20 åra til i folkeskulebygget i Straumen, men vart, saman med framhaldsskulen, flytta til eit bygg på Ask som inneheldt klasserom, gymnastikksal, symjehall og internat.

Om Audun Wåge: Sjå også artikkelen Handel, hermetikk og brann på «Gamlekaia».

Men gymnaset glapp

Då ungdomslaga i Sunnfjord og Nordfjord tok opp tanken om å skipe eit gymnas i Fjordane, vart det m.a. gjort framlegg om Askvoll som skulestad. Men Sandane vann drakampen, og Firda Gymnas kom i drift der i 1922. På 1950 vart det på nytt arbeidd med planar om å få gymnas til Askvoll. Kommunen hadde til og med peika ut det området som no er idrettsplass som ei høveleg tomt for gymnaset, men kravet vann ikkje fram.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 31.10.2011