Hopp til innhold
X
Innhald

Svein Bakke

Sportsleg leiar i Sogndal IL Fotball. Hadde i 1999 eit engasjement i den engelske fotballklubben Wimbledon.

Svein Bakke (1953-2015) frå Holmedal, busett i Sogndal. Fotballspelar. Han var ein sentral spelar då Sogndal kom til cupfinalen mot Brann i 1976, og til 1. divisjon (dåverande eliteserie). Han hadde og kampar for landslaget. For Sogndal spela han over 500 kampar og skåra 321 mål på i alt 19 sesongar for klubben.

Han vart seinare sportsleg leiar i Sogndal IL Fotball og var sentral i arbeidet med å byggje opp klubben til ein av dei mest veldrivne i landet.

Han hadde i 1999 eit engasjement i den engelske fotballklubben Wimbledon.

Far til landslagsspelar og Sogndal-trenar Eirik Bakke.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 18.12.2015