Hopp til innhold
X
Innhald

Aabelheim

Midt i den tette husklynga på nordsida av middelalderkyrkja Vangen kyrkje ligg eit gamalt, herskapeleg hus. Dette er «Aabelheim.»

Den første « kondisjonerte» som slo seg ned der Aabelhuset står, var sjef for Aurlandske Compagnie, oberst Jakob Gerhard Meidell sr. i 1752. Meidell bygde eit hus på staden. Dette vart skada av brann, men ikke meir enn at det vart sett i stand att.

I 1801 kom Ole Aabel som sokneprest til Aurland. Kring 1830 reiv han det gamle «Meidell-huset» og bygde eit nytt hus i empirestil på tufta. Aabel nytta då ein del bygningsdelar frå det gamle huset etter oberst Meidell. Huset har ei forseggjort fløydør mot hagen og midstilt ark på sjøsida, og har sidan vorte kalla «Aabelheim».

I tillegg til å ha tent som prestebustad, har Aabelheim også vorte nytta som pensjonat.

Per Aabel på jakt etter skrømt

Per Aabel på jakt etter skrømt

Ein etterkomar etter presten Ole Aabel var den store skodespelaren Per Aabel. Han overnatta i «Aabelhuset» ein gong - for å høyre om det var noko i rykta om at gjenferdet til tippoldefaren skulle romstere i huset på nattestid!

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 24.09.2008