Hopp til innhold
X
Innhald

L/L Vangens Rutebilar

Ein av bussane til Aurland Kommunale Rutebilar tek på sommarkledde fjellturistar.

Ein av bussane til Aurland Kommunale Rutebilar tek på sommarkledde fjellturistar.

L/L Vangens Rutebilar vart skipa i Aurland i 1928 med Vangen soknekommune som største aksjeeigar.

L/L Vangens Rutebilar vart skipa i Aurland i 1928 med Vangen soknekommune som største aksjeeigar.

Per Wangen var første styreformann. Selskapet tok over den første bilen som var kjøpt inn til bygda, ein liten Ford lastebil, og bilen vart sett inn i rute på Aurland-Flåm. Forden vart bytt ut med ein Nash i 1931. Selskapet vart overteke av kommunen i 1933, og skifta namn til Aurland kommunale Rutebilar.

I tillegg til lokal rutetrafikk i Aurland kommune dreiv selskapet bussruter til Voss og Hol, og til Lærdal i sommarhalvåret når fjellvegen var open. I 1991 vart Aurland kommunale Rutebilar slege saman med Sogn Billag L/L, og hadde då til saman 12 bussar, varevogner og lastebilar. I dag vert bussrutene i Aurland køyrde av Fjord 1 – Sogn Billag.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 25.05.2011