Hopp til innhold
X
Innhald

Alvhild Fykse Tveit

Alvhild Fykse Tveit (1918-1989) frå Kvam i Hardanger, busett i Balestrand. Lærar og Kristeleg Folkeparti-politikar. Utdanning frå Statens kvinnelege Industriskule og Lærarhøgskulen i Trondheim. Var m.a. styrar ved Havøysund folke- og framhaldsskule før ho i 1965 vart adjunkt ved Askelund folkehøgskule i Balestrand. Har m.a. hatt tillitsverv i fråhaldslag og misjonslag, og vore leiar i fylkespartiet sitt kvinnelag.

Medlem av kommunestyret og leiar i kulturstyret. Fylkestingsrepresentant 1976-1983 og i fylkesutvalet 1980-1983. Styremedlem i Sogn og Fjordane Teater, medlem i Norsk Språkråd 1980-1983, varamedlem i styret for Riksteatret 1980, varamedlem i styret i Norsk Kulturråd 1981-1984. Vararepresentant til Stortinget 1969-1981.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 30.10.2007