Hopp til innhold
X
Innhald

Generasjonsskifte på hotellet

Etter at Ole Kvikne døydde i 1913, og broren Knut Kvikne året etter, overtok Ole og Kari Kvikne sin son Theodor Kvikne (1882-1916) hotelldrifta.

Han fekk m.a. lagt inn elektrisk straum i hotellet. Theodor fekk styre hotellet berre tre år før han døydde. Den tretten år yngre broren Sigurd Kvikne sr. tok då over drifta av hotellet. Han starta i 1928 også bokhandel ved kaia, som vart driven av Kvikne-familien til 1993.

Kortvarig auke i turismen

I tida etter første verdskrig auka turiststraumen frå Amerika, men denne bylgja la seg brått med Wall Street-krakket i 1928.

Sigurd Kvikne saman med sonen Per tiodleg på 1930-talet. Sigurd døydde i 1935, og Per overtok hotellet i 1956. © Fylkesarkivet.

Sigurd Kvikne saman med sonen Per tiodleg på 1930-talet. Sigurd døydde i 1935, og Per overtok hotellet i 1956. © Fylkesarkivet.

Mulla og Per Kvikne.

Mulla og Per Kvikne.

Etter at Sigurd Kvikne døydde 40 år gamal i 1935, dreiv kona Marta Kvikne hotellet vidare saman med eldste sonen Ole Kvikne jr. Han døydde i 1942. I nokre år etter krigen engasjerte ho direktørar utanom familien til å drive hotellet inntil sonen Per Kvikne gjekk inn i hotelleiinga i 1956. Saman med kona Mulla Kvikne dreiv Per hotellet fram til han døydde i 1991, då sonen Sigurd Kvikne jr. tok over som leiar av familieverksemda.

Les også:

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 25.07.2011