Hopp til innhold
X
Innhald

Villa Solheim

Villa Solheim. Foto: Ottar Starheim, NRK.

Villa Solheim. Foto: Ottar Starheim, NRK.

Villaen ligg ved stranda på Bale, og vart bygd i 1909 av kunstmålar Johannes M. Johannessen (1859-1926) frå Bergen.

Villaen ligg ved stranda på Bale, og vart bygd i 1909 av kunstmålar Johannes M. Johannessen (1859-1926) frå Bergen.

Han var ein nær ven av kunstmålar Hans Dahl. Johannessen måla landskapsbilete og portrett. Nokre av dei finst i kunstsamlinga på Kviknes Hotell. Den tyskfødde kona hans, Clara Kretchmer (1868-1946), vart buande i Villa Solheim etter at ektemannen døydde, og skøytte eigedomen over til vennina Antonette Theodora Thygesen, som også budde i Balestrand.

I 1955 gjekk huset over til kunstmålar Johannessen sin familie, som selde vidare til kaptein Olav Skaasheim og kona Julie Thue, som seinare har hatt det i slekta.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 28.07.2011