Hopp til innhold
X
Innhald

Ålfotbréen landskapsvernområde

Ålfotbréen. Foto: Asle Veien, NRK.

Ålfotbréen. Foto: Asle Veien, NRK.

Ålfotbréen er den vestlegaste, store isbréen i Noreg. Den dekkjer 70 kvadratkilometer og ligg i kommunane Bremanger, Flora og Gloppen, med høgste punkt 1632 m.o.h.

Ålfotbréen er den mest lågtliggjande bréen i Noreg, og det er såleis nedbørsmengda i form av snø, og ikkje temperatur, som er avgjerande for ”livet” til bréen. Ålfotbréen var bortsmelta i vikingtida, men målingar viser at noverande bré har eksistert sidan 1160.

I januar 2009 skipa regjeringa eit 226 kvadratkilometer stort landskapsvernområde kring Ålfotbréen og Gjegnalundsbréen. Landskapsvernområdet omfattar areal i kommunane Bremanger, Gloppen og Flora.

Turar på bréen går m.a. frå Grøndalen i Flora og Flora turlag si hytte Blåbrébu.

På tur til Saga i Ålfotbréen landskapsvernområde. Vi ser Plogen til høgre. Foto: Joar Eide.

På tur til Saga i Ålfotbréen landskapsvernområde. Vi ser Plogen til høgre. Foto: Joar Eide.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 21.10.2011