Hopp til innhold
X
Innhald

Berle kapell

Berle kapell. Foto: Ottar Starheim, NRK.

Berle kapell. Foto: Ottar Starheim, NRK.

Berle kapell vart bygd i 1977. Arkitekt var Alf Apelseth frå Ørsta. Altartavle av Ingjerd Pettersen Hagh.

Kravet om eiga kyrkje i Berle vart reist alt på slutten av 1800-talet ikkje minst fordi bygdefolket måtte krysse fårlege havstykke for å kome til kyrkje. I 1893 vart det noko betre då Berle fekk eigen gravstad, og syrgjehøgtida vart utført i eit hus like ved.

Heilt fram til kommunesamlinga i 1964 høyrde Berle under Davik kommune, og alt i 1910 på same tid som folket på nordsida av Nordfjorden fekk eiga kyrkje på Totland søkte Berle-folket om å verte eige kapelldistrikt, men fekk avslag.

I 1911 starta likevel bygdefolket pengeinnsamling til ny kyrkje, men det var først då biskop Per Juvkam i 1963 fekk utarbeidd teikningar til eit kyrkjebygg nett av same type som skulle byggast i Kilesfjorden i Volda kommune, at saka løyste seg. Kapellet i Berle stod ferdig i 1977. Då hadde bygdefolket samla inn 200.000 kroner og ytt ein stor dugnadinnsats for å få kapellet reist.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 28.10.2011